புன்னகை

குழந்தைப் பருவத்தில் - காண்போரைக் கவர்ந்திழுக்கும் 
மனோகரம்; 
பள்ளிப் பருவத்தில் - வெற்றிக் குறியீடுகளின் 
வீரப் பிதற்றல் ;
கல்லூரிப் பருவத்தில் - முதல் 
ஆசையின் முகவரி ; 
பின் இளம்பருவத்தில் - எல்லாம் 
சாதித்துவிட்ட ஆணவத்தின் நிழல்;
முன் மூப்புப்பருவத்தில் - சோகங்களை 
மறக்க முனையும் பகல்வேசம்;
பின்மூப்புப்பருவத்தில் - எல்லாம் கண்ட 
அனுபவத்தின் அடக்கம்.. 
மாறிக்கொண்டே இருக்கிறது
காலத்துக்கேற்ப - மனிதனுடன் சேர்ந்து..